संयुक्त नागरिक पार्टीमा स्वागत छ!- अध्यक्ष, दल मर्दन कामी

मुलुकमा विद्यमान जातीय, धार्मिक, सांस्कृतिक, भाषिक, लैङ्गिक, भौगोलिक, क्षेत्रीय लगायत सबै प्रकारका विभेद, दमन र बहिष्करणको अन्त्य गर्दै न्यायमूलक, समतामूलक, विभेदरहित, सभ्य, सम्वृद्ध समाज र समावेशी राष्ट्र निर्माण गर्दै, सम्पूर्ण नेपालीहरूको स्वतन्त्रता र स्वाभिमानको लागि समावेशी, समानुपातिक, सहभागितामूलक राजनीतिक, आर्थिक, सामाजिक अधिकार स्थापित गर्दै, ऐतिहासिक आन्दोलन, विद्रोह, ०६२/०६३ को जन आन्दोलन, आदिवासी, जनजाति, मधेश, थारूवान, शिल्पी/दलित, महिला लगायतले गरेको आन्दोलन र संघर्ष, साथै २०८२ भदौ २३ र २४ गते को जेन जी (Gen Z) पुस्ताले भ्रष्टाचार र नातावादको विरुद्ध गरेको आन्दोलनले ल्याएको राजनीतिक परिवर्तनलाई संरक्षण, सम्बद्र्धन र संस्थागत गर्दै संघीय लोकतान्त्रिक गणतन्त्र, पूर्ण धार्मिक स्वतन्त्रतासहितको धर्मनिरपेक्षता, र पूर्ण समानुपातिकता, समावेशीता, मानव अधिकार र मौलिक हकको प्रत्याभूति, प्रेस तथा अभिव्यक्ति स्वतन्त्रता, आर्थिक तथा राजनीतिक स्वतन्त्रता, विधिको शासन, शान्तिपूर्ण सहअस्तित्व, सर्वजातीय समावेशी समाजिक लोकतान्त्रिक व्यवस्थालाई संस्थागत गर्दै, तथा पहिचान, अस्तित्व र आत्मसम्मानलाई स्थापित गर्दै, शिल्पी/दलित समुदायमाथि हुने छुवाछुत विभेद हिंसाको अन्त्य गर्दै, उनीहरूको सम्मानजनक पहिचान र विशेष अधिकारको प्रत्युभूति गर्दै, देशलाई वैज्ञानिक तरिकाले द्रूत विकासको बाटा मा अगाडि बढाउन ईश्वरीय नैतिकतामा आधारित सेवक नेतृत्व प्रदान गर्ने प्रतिबद्धताका साथ संघीय लोकतान्त्रिक गणतन्त्र राष्ट्र नेपालको विकास र सम्वृद्धिमा योगदान पुर्‍याउने उद्देश्यले यो संयुक्त नागरिक पार्टी स्थापित गरिएको छ ।